Motor tanker lumubog sa Bataan; 16 tripulante nailigtas
MANILA, Philippines — Isang motor tanker na may kargang mga langis ang lumubog habang 16 tripulante ang nailigtas at 1 ang naiulat na nawawala kahapon ng madaling araw sa Limay, Bataan.
Ayon sa Philippine Coast Guard (PCG), nagsasagawa na sila ng search, rescue at oil spill response operations sa lugar.
Batay sa ulat, sangkot sa insidente ang MT Terra Nova isang motor kung saan sakay ang nasa 17 crew.
Naganap ang insidente sa kasagsagan ng pag-ulan sa layong 3.6 nautical miles silangan ng Lamao Point sa bayan ng Limay bandang 1:10 ng umaga.
Agad na nasagip ng BRP Melchora Aquino ang 16 na tripulante na binigyan ng medical attention.
Ang MT Terra Nova, na patungo sana sa Iloilo, ay may kargang 1.4 milyong litro ng industrial fuel nang maganap ang insidente.
- Latest
