MANILA, Philippines — Tinatayang nasa P20-milyong halaga ng hinihinalang shabu ang nasabat mula sa dalawang babae sa buy-bust operation sa Barangay Basak, Lapu-Lapu City noong Miyerkules ng gabi.
Ang dalawang babae na kapwa nakatira sa isang barangay ay naaresto ng Police Station 4, Drug Enforcement Unit, at Intelligence Unit.
Batay sa report, ang dalawang suspek ay nakalista bilang mga high value individual.
Sa kanilang mga transaksiyon, agad na isinilailalim sa surveillance ang mga suspek.
Bunsod nito, nagbabala si Police Col. Ali Baron, hepe ng Lapu-Lapu City Police Office (LLCPO) sa mga sangkot sa illegal drug trade na ipagpapatuloy ng LLCPO ang walang humpay na kampanya kontra ilegal na droga. Aniya, tukoy nila ang mga sangkot sa illegal drugs subalit kailangan na beripikahin upang maiwasan ang anumang mga legal issues.