DASMARIÑAS CITY, Cavite, Philippines — Dalawang bangkay ng batang lalaki ang natagpuang palutang-lutang sa isang ilog ng Brgy. Burol ng lungsod na ito.
Kinilala ng pulisya ang dalawang biktima na sina John Luis Redoma; at Gabriel Buclatin, kapwa 10-anyos ng nasabing barangay.
Sa nakalap na ulat, nagkayayaan ang magkaibigan na maligo sa ilog ng Burol at ilang sandali ng paglangoy ay nalunod ang mga ito nang magawi sa malalim na parte ng ilog.
Nakita na lamang na palutang-lutang ang dalawa at sa tulong ng mga rescuer ay naiahon ang bangkay ng dalawang bata.