LEGAZPI CITY, Albay , Philippines – Dalawa-katao ang napatay sa naganap na magkahiwalay na pamamaril sa Sorsogon at Masbate kamakalawa. Unang binaril at napatay ng hindi kilalang lalaki ang biktimang si Chairman Oscar Jetomo ng Barangay Marinas sa Sorsogon City, Sorsogon. Ayon sa pulisya, nakatayo lamang sa harapan ng kanyang bahay ang biktima nang lapitan at barilin. Samantala, napatay din ang 40-anyos na miyembro ng Provincial Operation for Socio-Economic Development Against Crime na si Reynaldo Etcobañez matapos itong barilin sa ulo ng dalawang hindi kilalang lalaki sa Barangay Poblacion sa bayan ng Pio V. Corpuz sa Masbate kamakalawa ng gabi. Sa police report na nakarating sa Camp Simeon Ola, papasok na sana si Etcobañez sa bahay ng isang nagngangalang Remedios Arellano nang lapitan at barilin sa ulo ng hindi kilalang lalaki. Bago tumakas ay tinangay ng gunmen ang cellphone, baril atP17, 000 cash ng biktima.