Dalagita pinilahan ng 5 ‘manyakis’

BULACAN , Philippines - Kalaboso ang limang kalalakihan kabilang ang dalawang menor-de-edad makaraang masakote sa kasong pang hahalay sa 16-anyos na dalagita sa Barangay Caypombo, bayan ng Santa Maria, Bulacan kahapon ng madaling araw. Nakatakdang kasuhan ng pulisya ang mga suspek na sina Ray Francisco Planos, 20; Kent Tejada, 19; Justine Mark Enriquez, 18; at ang dalawang menor-de-edad na lalaki na nasa lokal na ahensya ng DSWD. Sa isinumiteng police report kay P/Supt. Raniel Valones, niyaya ng mga suspek ang biktima sa bahay ni Planos sa Bulacan Meadows Subd. kung saan pinainom ng alak ang dalagita hanggang sa malasing. Pinilahan ng mga suspek ang dalagita hanggang sa makatulog ang mga ito. Kaagad namang nagreklamo sa mga opisyal ng barangay ang biktima matapos itong makatakas kung saan naaresto naman ang mga suspek.