PAMPANGA, Philippines – Umabot sa 12-katao na sinasabing mga drug peddler ang nasakote sa isinagawang “One Time Big Time Operation” ng mga awtoridad sa Purok 3, Barangay San Rafael sa bayan ng Guagua, Pampanga noong Martes. Base sa police report na isinumite kay P/Chief Supt. Rudy Lacadin, PNP regional director, nakatakdang kasuhan ang mga suspek na sina Robert “Bogart” Gutierres, Erlinda Jimenez, Rowena Reyes, Naim Nazer, Irene Pulilan, Marrisa Nicdao, Nicanor Pulilan, Aldrin Nicdao, Mario Pulilan, Nestor Gutierres, Josilito Pulintan, at si Emerlito Lejarde. Nasamsam sa mga suspek ang 19-plastic sachets na shabu, P500 marked money, mga bala ng baril, cal. 38 revolver,dalawang patalim at mga drug paraphernalia.