BULACAN, Philippines – Rehas na bakal ang binagsakan ng 12 kalalakihan na sinasabing may mga kasong kriminal sa isinagawang operasyon ng pulisya Barangay Dagat-dagatan, bayan ng San Rafael, Bulacan kamakalawa ng umaga. Isinailalim sa tactical interrogation ang mga suspek na sina Ferry Gonzales, Kier Mempin, Kimpy Reyes, Jeremy Viconde, Jess Sto.Domingo, Niko Mempin, Raymond Visconde, Kenneth Reyes, Gerald Paul Reyes, Kevin Reyes, Popong Bayani, at si Genesis Pile. Sa police report na nakarating kay P/Supt. Orlando Castil, armado ng warrant of arrest na inisyu Judge Mirasol Dychingco ng Malolos City Regional trial Court Branch13 nang salakayin ang bahay ng mga suspek bandang alas-5 ng umaga.