BULACAN, Philippines – Rehas na bakal ang binagsakan ng pitong kalalakihan na sinasabing notoryus na drug peddlers ang nasakote sa inilatag na magkakahiwalay na drug bust operation ng pulisya sa bayan ng Balagtas, Bulacan kamakalawa. Nakatakda namang kasuhan ang mga suspek na sina Wilson “hapon” Villar, Hector Fuentes, Jovita Cristobal, Alfredo Silvestre, Rommel Dela Cruz, Roman Gallardo, at si Carlo Christopher Caliboso. Sa ulat na nakarating kay P/Chief Insp. Voltaire Rivera, unang nasakote sina Villar, Fuentes at Cristobal sa isinagawang drug bust operation sa P. Castro Street, Brgy. Burol 1st kung saan nasamsam ang 10-plastic sachets na shabu. Sumunod na naaresto sina Gallardo, Dela Cruz at si Silvestre sa inilatag na operation sa Sitio Bigaa Matanda, Brgy. San Juan. Samantala, si Caliboso naman ay naaresto sa Brgy. Burol 2nd matapos ang buy-bust operation.