TUGUEGARAO CITY, Cagayan, Philippines – Tatlo-katao ang kumpirmadong patay habang 15 naman ang nawawala na karamihan ay minero matapos matabunan ng tone-toneladang putik ang pitong kubo sa minahan sa Sitio Elizabeth, Barangay Taneg sa bayan ng Mankayan, Benguet kamakalawa ng umaga. ?
Sa ulat ni Cordillera Office of the Civil Defense Regional Director Andrew Alex Uy, unang narekober ang bangkay ni Crispin Ablao matapos lumutang sa ilog noong Sabado habang narekober naman ang mga katawan nina Felimon Adcapan at Armando Duyao kamakalawa ng tanghali.?
Kabilang sa mga minerong natabunan ng tone-toneladang putik ay sina Ronaldo Angel, Paulita Angel, Ronald Paul Angel, Jasper Olivarez, Jonie Foster, Marpety Tumalban, Crisanto Ablao, Nardo Mocnangan, Marvin C. Baturi, Harold Baturi, Rocky Mangrubang, John Aluyan Jr., Jose Aluyan, Mark Balicdan, at si Efren Balicdan.
Isinara naman ang bahagi ng Km 16 sa Halsema Highway sa bayan ng Mankayan dahil sa patuloy na banta ng landslides.?
Pansamantalang ipinatagil ang search and rescue operations sa mining site dahil sa makapal na hamog at walang humpay na buhos ng ulan.