Magsasaka, negosyante itinumba

TUGUEGARAO CITY, Cagayan, Philippines – Dalawa-katao ang napatay sa naganap na magkahiwalay na karahasan sa Isabela at Ilocos Sur kamakalawa. Pitong bala ng cal.9mm pistol at limang bala ng cal. 45 pistol ang umutas sa magsasakang si Jovie Laggui sa Barangay Baleleng, bayan ng Sto. Tomas, Isabela.Lumalabas sa imbestigasyon na sinundan ng gunmen ang biktima habang papauwi saka niratrat pagsapit sa abandonadong lugar dakong alas-11:45 ng tanghali. Samantala, pinagbabaril din at napatay ang negosyanteng si Allan Ragasa ng dalawang di-kilalang lalaki sa harapan ng munisipyo ng San Juan, Ilocos Sur. Nasugatan naman ang bystander na si Glenford Corpuz matapos tamaan ng ligaw na bala ng cal. 45 pistol. Narekober sa crime scene ang 19-bala ng cal. 45 pistol. Sinisilip ng pulisya ang anggulong alitan sa negosyo ang pagpaslang kay Ragasa na isang dealer ng sibuyas sa nasabing bayan.