LEGAZPI CITY, ALBAY, Philippines – Patay ang isang tauhan ng vice mayor matapos siyang pagbabarilin ng mga di-nakikilalang suspek habang abala sa pangunguha ng bunga ng niyog sa lupain ng kanyang ama kamakalawa ng umaga sa Brgy. Casini, Irosin, Sorsogon. Hindi na umabot pa ng buhay sa Sorsogon Provincial Hospital si Roberto Mondejar, 39, may-asawa, isang manggagawa at residente ng naturang lugar. Dakong alas-11:05 ng umaga habang ang biktima ay abala sa pangunguha ng bunga ng niyog sa lupain ng pag-aari ng pamilya ni Vice Mayor na si Alfredo P. Cielo nang biglang dumating ang ‘di kilalang mga suspek na armado ng kal. 45 pistola at walang sabi-sabing pinaulanan ng bala ang biktima sa ulo at katawan. Matapos ang pamamaril, tumakas ang mga salarin.