Mister dakma sa bomba, droga

CAMARINES NORTE, Philippines -  - Rehas na bakal ang binagsakan ng 26-anyos na mister makaraang makumpiskahan ng mga bala, baril pampasabog at iligal na droga sa isinagawang operasyon ng pulisya sa Barangay Bagumbayan, bayan ng Paracale, Camarines Norte kamakalawa ng umaga. Pinangunahan ni  P/Chief Insp. Rommel Labarro ang search operation sa bahay ng suspek na si Roberto “Albert” De Lima sa nasabing bayan. Nakumpiska ang apat na plastic sachet ng shabu, drug paraphernalias, 4 pirasong pampasabog, 2 detonating cord with blasting caps, 2-metrong haba ng kable, 4 blasting caps, cal. 38 erevolver at mga bala ng baril. Sinalakay ang bahay ng suspek sa bisa ng search warrant na inisyu ni Judge Roberto A. Escaro ng Daet Regional trial Court Branch 38 kung saan sinaksihan naman ng mga opisyal ng barangay, DOJ at media representatives.