Jailbreak: 6 preso pumuga
NORTH COTABATO, Philippines - – Anim na preso ang nakapuga matapos wasakin ang rehas na bakal sa Kidapawan City Jail sa North Cotabato, kamakalawa ng madaling araw.
Kinilala ni Kidapawan City PNP director P/Supt. Leo Ajero ang mga pugante na sina Latip Macarao Ampaso na may kasong drug trafficking; Alvin Saloder Adajar, carnapping; Darwin Monde Lejista, theft at robbery; Eduardo Saladaor Elagan at Cris Ferbrero Selbano, kapwa nahaharap sa kasong paglabag sa Republic Act 9262 o Violence against Women and Children; at isang menor-de-edad na nahaharap sa kasong murder.
Hindi naman matukoy ng pulisya kung paano nakalusot ang lagaring ginamit sa ventilation bars sa likurang bahagi ng selda tres ng Kidapawan City Jail.
Sa lakas ng ulan ay hindi na narinig ng mga guwardiya ang ingay ng paglagari matapos lagyan ng mantika ang mga round bars.
Nakahanda namang harapin ni Ajero ang maaaÂring hakbang na gagawin ng mga nakatataas na opisyal ng PNP sa naganap na jailbreak.
- Latest
