TUGUEGARAO CITY, Philippines -- Isang 24 anyos na binata ang nasunog matapos makurÂyente habang nag-aayos ng kanilang palamuti para sa gagawing okasyon sa kanilang basketball court sa Brgy. Lydia, Marcos, Ilocos Norte kamakalawa.
Kinilala ni SPO4 Prudenco Bolanday ng Marcos Police ang nasawi na si Lindbergh Andres ng nasabing lugar.
Nabatid na isa sa mga nagsasaayos ng basketball court ang biktima para sa gagawing Christmas gatherings nang masagi ng tangan niyang kawayan ang bukas na kawad ng kuryente ng Ilocos Norte Electric Cooperative at doon ay nangisay ito sa harap ng iba pang mga ka-barangay.
Isinugod ang biktima sa Mariano Marcos Memorial Hospital and Medical Center sa katabing lungsod ng Batac subalit hindi na rin ito nailigtas ng mga doktor.