CAVITE, Philippines - - Kamatayan ang sumalubong sa magkabaÂging lalaki matapos sumemplang ang kanilang motorsiklo sa kahabaan ng Daanghari Road sa Barangay Pasong Buaya 1, Imus City, Cavite kahapon ng madaling-araw. Kinilala ng pulisya ang mga biktima na sina Frank Jhay-Ar Tamola, 24, seaman; at Karlo Luigi Olbes, 27, kapwa binata at nakatira sa Barangay Anabu 2 F sa nasabing lungsod. Ayon kay P02 Larry Dalumpines, magkaangkas ang dalawa sa motorsiklo nang mawalan ng kontrol sa manibela si Tamola dahil sa bilis magpatakbo kung saan sumemplang pagsapit sa kurbadang kalsada. Naisugod pa sa ospital ang dalawa subalit hindi na umabot ng buhay.