BULACAN, Philippines – Kalunus-lunos na kamatayan ang sinapit ng 7-buwang gulang na sanggol makaraang mapugutan ay itinapon sa gilid ng ilog sa Barangay Lambakin, bayan ng Marilao, Bulacan kahapon ng umaga. Bandang alas-7 ng umaga nang matagpuan ang duguang katawan ng sanggol na nababalutan ng puting tela na nasa gilid ng ilog sa Nortville 4-A sa nasabing barangay. Kaagad naman dinala ni Ebot Del Carmen ng Marilao Rescue Action Group ang katawan ng sanggol sa simbahan upang mabendisyunan ng pari saka inilbing sa pampublikong sementeryo.