Lola naabo sa sunog

MANILA, Philippines - Kamatayan ang sumalubong sa 79-anyos na lolang biyuda matapos itong makulong sa kanyang bahay na nasusunog  sa Purok 3 sa Barangay Cubacub, Man­daue City, Cebu kahapon ng madaling-araw. Kinilala ang biktima na si Maria Pino na halos nagmistulang uling ang bangkay nang marekober ng mga arson investigator sa natupok nitong tahanan. Nabatid na nag-iisa lamang ang matanda sa kaniyang tahanan ng kumalat ang apoy sa buong bahay. Nabigong makalabas ng kuwarto ang matanda kung saan naalimpungatan bunga ng makapal na usok at matinding init na nilikha ng sunog. Pinaniniwalaang natumbang lampara na ginagamit ng matanda ang pinagmulan ng apoy na tumupok ng bahay.