2 inararo ng mini-bus

CAVITE, Philippines  - Isa ang nasawi habang isa naman ang malubhang nasugatan matapos araruhin ng mini-bus sa kahabaan highway sa Barangay Tejero, bayan ng General Trias, Cavite, kahapon ng madaling-araw. Kinilala ang nasawi na si Winnie Rose Ulep, 18, ng Sitio Postema, Barangay Sahud-Ulan sa bayan ng Tanza, Cavite habang kritikal naman si Jocelyn Ramos, 17, estudyante, ng Blk 51 Lot 5 Grand riverside sa Barangay Pasong Camachile 1 sa nasabing bayan. Samantala, arestado naman ang suspek na si Eduardo Palle, 42, ng Barangay Jalayjay, Tanza, Cavite. Lumilitaw na magkakasamang naglalakad sa gilid ng highway ang mga biktima at ilang kawani ng fastfood chain nang salpukin ng mini-bus (DXB228) ni Palle matapos mawalan ng kontrol sa manibela sa hindi nabatid na dahilan.