Seguridad handa sa libing ng mayor

CAUAYAN CITY, Philippines - Nakahanda na ang kapulisan sa inilatag na seguridad sa nalalapit na libing ng pinaslang na si Mayor Erlinda Domingo ng liblib na bayan ng Maconacon, Isabela sa Sabado ng hapon. Ito ang inihayag ni Isabela PNP Director P/Senior Supt. Franklin Mabanag kasabay din nito ang pagdagsa ng mga kababayan ni Mayor Domingo sa pag-uwi sa liblib mula sa Cauayan Airport.
 Sinabi ni Mabanag na kumpleto na ang detalye ng seguridad sa bayan ng Maconacon mula pa nang mag-umpisa ang lamay sa nabanggit na alkalde. Samantala, naniniwala ang mga malalapit na kaibigan at kaanak ng opisyal na may bahid pulitika ang pagkakapaslang kay Mayor Domingo na niratrat noong Martes ng gabi (Enero 22) sa Quezon City.