Nuggets itinakas nina Murray, Porter
HOUSTON — Bumira si Jamal Murray ng 39 points at nagdagdag ng 17 markers si Michael Porter Jr. sa 116-111 paglusot ng Denver Nuggets sa Rockets.
Nag-ambag si Russell Westbrook ng 14 points habang may 13 markers si Aaron Gordon at humakot si DeAndre Jordan ng 11 points at 15 rebounds para sa Denver (45-27).
Nagpaputok si Fil-Am Jalen Green ng 30 points kasunod ang 21 markers ni Dillon Brooks sa pagtatapos ng nine-game winning streak ng Houston (46-26).
Umiskor si Murray ng 17 points sa first half at kumamada ng 17 markers sa third period para tulungan ang Nuggets na maitayo ang 96-79 kalamangan sa Rockets sa third quarter.
Sa California, nagsalpak si Shai Gilgeous-Alexander ng 26 points at may 19 markers si Aaron Wiggins sa 103-101 paglusot ng NBA-leading Oklahoma City Thunder (59-12) sa Los Angeles Clippers (40-31).
Sa Miami, nagpasabog si Andrew Wiggins ng 42 points at nagdagdag si Tyler Herro ng 29 markers sa 122-105 pagsibak ng Heat (30-41) sa Charlotte Hornets (18-53).
Sa Portland, nagkuwintas si Jayson Tatum ng 30 points, 9 assists at 9 rebounds sa 129-116 paggupo ng nagdedepensang Boston Celtics (52-19) sa Trail Blazers (32-40).
- Latest
