Evangelista, Santor namayagpag sa PAI swimming meet

MANILA, Philippines – Kumolekta si Betta Caloocan Swim Team standout Aishel Evangelista ng dalawang gintong medalya sa Philippine Aquatics Inc. “Go Full Speedo” Swim Series Long Course Swimming Meet Leg 1 kahapon sa Teofilo Yldefonso swimming pool sa Malate, Manila.

Nagtala ang 14-anyos na si Evangelista ng bilis na 2:18.45 sa boys’ 14-yrs-old 200m Individual Medley at tumipa ng tiyempong 33.38 segundo sa pagdomina sa 50m breaststroke.

Nauna nang nagwagi ang Grade 10 student sa Unibersidad ng Santo Tomas sa 100m freestyle (57.64) at sa 50m backstroke (31.77) noong Sabado.

Pinalakas ni Evangelista ang kampanya para sa Most Outstanding Swimmer (MOS) award.

Samantala, patuloy din ang arangkada ni Patricia Santor sa two-day meet na sinuportahan ng Speedo, Philippine Sports Commission, at Philippine Olympic Committee.

Nilangoy ng 16-anyos na miyembro ng Ilustre East Swim ang kanyang ikatlong gintong medalya sa girls’ 200m IM sa oras na 2:31.22 laban kay Nichole Rivera ng Golden Sea Eagles (2:45.770 at teammate na si Ruth Denise Sula (2:49,95).

Ang UST Senior High student at miyembro ng AAGC National squad ay naunang nanalo sa 200m breaststroke (2:50.68) at 100m freestyle (1:02.80). 

Ang ipinagmamalaki ng Las Piñas na si Nicola Queen Diamante ng RSS Dolphins, Makoto Nakamura ng S’Ace Seahawks at North Cotabato phenom Jie Angela Mikaela Talosig ng Midsayap Pirates ay nagbahagi ng husay sa napagwagihang tig-dalawang gintong medalya sa kani-kanilang age group class.

Si Diamante, isang Grade 9 student sa Augustinian Abbey, na dating nanalo sa girls 13 yrs.-old 100m free (1:07.48), ay muling kumana sa 50m back (32.76), habang si Talosig, 18, ay nagdagdag ng 200m IM (2: 33.32) sa kanyang naunang tagumpay sa 100m free (1:01.80).

Nanguna naman ang 11-anyos na si Makoto sa 200m IM (2:45.64) at 50m breast (40.27). 

Ang iba pang mga nanalo sa morning session ay sina Findlay Mackenzie sa boys 11-yrs old 200m IM (2:42.47); Shoichi Tao (12-yrs, 2:37.04); Ethan Elimos (13-yrs, 2:28.88); Jamen Bersamin (15-yrs, 2:26.00); Shiblon Montera (16-yrs., 2:28.87); Albert Jose Amaro (17-yrs., 2:16.25); Nimrod Montero (18-yrs., 2:20.56); John Ambrocio (19-over, 2:16.51); Alice Mamaat sa mga batang babae 12-yrs-old 200IM (2:49.52); Sandy Martin (13-yrs., 2:48.45); Krystal David (14-yrs, 2:41.58); Kristine Jane Uy (15-yrs, 2:38.61); Anaia Mikaela Lim (17-yrs., 2:41.86); Jindsy Dasion (19-over, 2:33.32); Paul Vincent Ocampo sa boys 11-yrs-old 50m breast (39.84); Calix Boletche (12-yrs., 38.17); Mark Cimini (13-taon, 36.69); Matt Nerison (15-yrs., 33.07); Keane Payuran (16-yrs., 33.70); Ashby Canlas (17-yrs., 31.12); Rafael Ole (18-yrs, 32.35); at Julian De Borja (19-over, 30-67).