Army cadets bumida sa ROTC Games
ZAMBOANGA CITY , Philippines — Nagparamdam agad ng puwersa ang mga kadete ng Philippine Army matapos humakot ng siyam na gintong medalya sa swimming competition sa 2nd Philippine Reserve Officers Training Course (ROTC) Games 2024-Mindanao Qualifying Leg dito sa Joaquin Enriquez Memorial Sports Complex Swimming pool.
Dalawang ginto ang kinampay nina Jovaira Valle at Jellie Somera sa women’s event at tig-dalawa rin ang napanalunan nina Ronnie Tayom at Heriame Guiao.
Nanalo si Valle sa women’s 200m IM matapos irehistro ang 4:13.62 minuto at sa 50m butterfly sa tiyempong 45.30 segundo.
Nagreyna si Somera sa women’s 100m freestyle (1:22.38) at sa 50m backstroke (41.55).
Naghari si Tayom sa men’s 200m IM (3:07.02) at sa 50m backstroke (37.04).
Ang ibang nakakuha ng ginto para sa Army ay si Reymond Pelisan sa men’a 100m freestyle sa event na konsepto ni Senator Francis ‘Tol’ Tolentino.
- Latest
