Arellano 5-peat sa NCAA Cheerleading
MANILA, Philippines — Nakumpleto ng Arellano University ang matamis na five-peat sa National Collegiate Athletic Association (NCAA) Season 99 Cheerleading Competition na ginanap sa FilOil EcoOil Center sa San Juan City.
Pinahanga ng Chiefsquad ang mga hurado matapos ilatag ang malinis na performance upang makuha ang unang puwesto.
Matitikas na stunts at routines ang ipinamalas ng Arellano para makakuha ng kabuuang 253.5 points.
Naibulsa ng Chiefsquad ang P100,000 premyo.
Ito ang ikaanim na korona ng Arellano sa huling pitong edisyon ng Cheerleading Competition sa liga.
Nagkasya naman ang dating kampeong University of Perpetual Help System Dalta (UPHSD) Altas Perps Squad sa ikalawang puwesto,
Nakapagtala ang Altas Perps Squad ng 231.5 points para makuha ang runner-up trophy.
Ito ang ikalimang sunod na runner-up ng Perpetual Help. Pumangatlo ang Colegio de San Juan de Letran na may 206 puntos.
Naibulsa ng Altas Perps Squad ang P75,000 premyo habang nakuha naman ng Letran Cheering Squad ang P50,000 konsolasyon.
- Latest
