Aces kumpiyansa sa Game 7
MANILA, Philippines – Sa kabila ng tatlong sunod na kamalasan sa serye ay positibo pa rin ang Alaska Milk Aces na makakamit ang korona ng 2016 Smart Bro PBA Philippine Cup.
Determinado silang ipanalo ang winner-take-all match laban sa San Miguel bukas sa Mall of Asia Arena.
“We’ve got to play. We have no excuse for the hole we’re in. It’s a one-game toss-up, we’ll see what happens,” sabi ni coach Alex Compton sa pagsagupa ng kanyang Aces sa Beermen sa Game Seven.
Idinagdag pa ng Alaska bench chieftain na bitbit ng San Miguel ang ‘pressure’ dahil sa pagiging reigning two-conference champions.
“I don’t know how you guys see it, but the team you’re all writing about that was expected to win a grand slam, now has to step up in Game Seven,” wika ni Compton.
Ngunit ang kabiguan ay mas magiging mapait para sa Aces na maaaring maging unang koponang sinayang ang malaking 3-0 bentahe sa isang best-of-seven finals.
Umaasa si Compton na sila ang maisusulat sa PBA history at hindi ang Beermen.
“I get excited about this stuff as I have a hard head. I’m a believer and I firmly believe in my guys. My guys are such a great group to coach, and I hope I can deliver for them and we play a great game,” ani pa ni Compton.
“Sulit na sulit ang fans,” dagdag pa nito.
Naniniwala rin si Compton na hindi pa tiyak ang panalo ng Beermen kahit na bumalik pa si June Mar Fajardo.
“One team will make it happen, one won’t make enough plays to make it happen. One team will be champion, one won’t. That’s just how it works,” sabi ni Compton.
- Latest
