Laro Ngayon (Marikina Sports Center)
7 p.m. Macway Travel vs PNP
8:30p.m.-Sta. Lucia Land Inc. vs PCU
MANILA, Philippines – Nagpahiwatig agad ng kahandaan na muling mag-kampeon ang Hobe Bihon-Cars Unlimited nang tambakan nito ang Mindanao Agilas, 98-66, sa pagbubukas ng 5th DELeague Basketball Tournament nitong Linggo sa Marikina Sports Center, Marikina City.
Tinalo rin ng Macway Travel and Austen Morris Associates, 83-79, sa Group B sa isa pang laro.
Si Rodrigue Ebondo ay mayroong 16 puntos, pitong rebounds, apat na assists at tig-isang steal at blockshot para pangunahan ang Hobe Bihon-Cars Unlimited na kampeon sa ligang itinataguyod ni Marikina Mayor Del De Guzman noong 2012 at 2013.
Iniwan agad ng Hobe ng 19 puntos ang Agilas sa unang yugto, 34-15 para sa magarang panalo.
Bago ito ay nagdaos ng opening ceremony na kinatampukan ng tagisan sa Best Muse at napanalunan ito ni Kresna Galindez.