FEU Tamaraws rumesbak

Laro sa Sabado (Mall of Asia Arena)

2 p.m. UP vs Adamson

4 p.m. NU vs UE

MANILA, Philippines – Patuloy na nagsosyo sa liderato ang Far Eastern University at ang University of Sto. Tomas.

Ito ay matapos takasan ng Tamaraws ang nagde­depensang National Uni­ver­sity Bulldogs, 61-59, at talunin ng Tigers ang Uni­versity of the East Red Warriors, 83-76, sa 78th UAAP men’s basketball tour­nament kagabi sa Smart Araneta Coliseum.

Kapwa inilista ng FEU at UST ang 6-1 record sa itaas ng La Salle (4-3), Ateneo (4-3), NU (3-4), University of the Philippines (2-5), UE (2-6) at Adamson (1-6).

Matapos kunin ng Ta­maraws ang 50-40 abante sa pagsisimula ng fourth quarter ay umatake naman ang Bulldogs para itab­la ang laro sa 52-52 sa 2:50 minuto nito.

Ang dalawang tres ni Mike Tolomia ang muling nag­layo sa FEU sa 58-52 sa huling 1:49 minuto.

Tumapos si Tolomia na may 19 points para sa Tamaraws, tinalo ng Bull­dogs sa nakaraang UAAP championship series.

Sa unang laro, kuma­ma­da si Ed Daquioag ng 14 sa kanyang career-high na 34 points sa final canto para sa panalo ng Tigers kon­tra sa bumubulusok na Red Warriors.

Mula sa 11-point deficit sa first half ay nakadikit ang UE sa 71-73 sa hu­ling 1:37 minuto sa fourth quarter.

Ang free throw at sa­lak­­sak ni Daquioag sa su­­munod na dalawang po­­sesyon ng Tigers ang mu­l­ing naglayo sa kanila sa 76-71 sa natitirang 43.4 segundo.

Umiskor si Paul Va­rilla ng 25 markers sa panig ng Red Warriors, na­hulog sa kanilang ikaapat na sunod na kamalasan.

UST 83 – Daquioag 34, Ferrer 14, Vigil 14, Abdul 9, Sheriff 5, Lee 5, Lao 2, Abdurasad 0, Bonleon 0, Faundo 0, Caunan 0, Garrido 0, Subido 0.

UE 76 – Varilla 25, Javier 12, De Leon 8, Palma 8, Batiller 5, Charcos 5, Sta. Ana 4, Abanto 3, Derige 2, Gagate 2, Ma­nalang 2, Gonzalez 0, Pe­nuela 0, Yu 0.

Quarterscores: 26-12; 44-33; 60-56; 83-76.

FEU 61 – Tolomia 19, Belo 9, Pogoy 7, Ru. Es­co­to 5, Arong 4, Jose 4, Orizu 4, Tamsi 4, Trinidad 3, Ri. Escoto 2, Comboy 0, Ebona 0, K. Holmqvist 0, S. Holmqvist 0, Iñigo 0.

NU 59 – Aroga 17, Alo­lino 10, Neypes 10, Ale­jandro 7, Javelona 4, Morido 4, Abatayo 3, Sa­­lim 2, Tansingco 2, Di­putado 0, Javillonar 0.

Quarterscores: 13-11; 29-34; 45-40; 61-59. (RC)