Reyes, Immonen tumumbok sa Philippine Open 10-Ball

GENERAL SANTOS CITY, Philippines -- Kagaya ng dapat asahan, madaling tinalo nina Efren “Bata” Reyes at Mika Immonen ang ka­nilang mga kalaban para sa opening round ng Philippine Open 10-Ball Championship dito sa SM City Mall.

Ipinakita ng 60-anyos na si Reyes, ang ‘living le­gend’ ng Philippine billiards, ang kanyang eksperyensa nang gibain si Jerome A­dolfo, 9-2, habang dinomi­na ni Immonen si John Sa­­lazar, 9-2, sa nasabing $150,000 tournament na iti­nataguyod ni Cong. Manny Pacquiao.

Si Pacquiao ay ginitla ni John Plunkett ng United States, 9-8, para idiskaril ang pag-abante ng eight-time boxing champion sa second round ng nasabing double-knockout tournament.

Hawak ni Pacquiao ang 8-7 bentahe bago siya naresbakan ni Plunkett para kunin ang panalo.

“This single victory feels like a million,” sabi ni Plunkett matapos talunin ang Sarangani Congressman sa kanilang laro.

Nag­lista naman ng ka­ni­lang mga panalo sina lo­cal bets Leo Bayet, Godo­fredo Ducanes, Archie Pa­dal, Benjie Guevarra, John Rebong, Johann Chua at Christian Gariando.