Pacquiao ‘di papayagang maging katawa-tawa ang sarili sa paglalaro sa PBA - Salud

MANILA, Philippines - Nangako si Filipino world eight-division champion Manny Pacquiao na mag­lalaro siya ng ilang mi­­nuto para sa una niyang pag­sabak bilang isang PBA player.

At alam ni PBA Com­mis­sioner Chito Salud na hin­di hahayaan ng 35-an­yos at 5-foot-6 na si Pacquiao, ang playing coach ng Kia Sorento, na ipahiya ang sarili sa harap ng mga basketball fans.

“Matalino si Manny. He won’t put himself in a position to embarrass himself,” ani Salud kahapon sa pag­lulunsad ng ika-40 season ng PBA sa Edsa Shangrila Hotel sa Mandaluyong City.

Kaagad na maglalaro ang Kia Sorento ni Pacquiao laban sa Blackwater sa pagbubukas ng 2014 PBA Philippine Cup sa Ok­­tubre 19 sa Philippine Are­­na sa Bocaue, Bulacan.

Magtatagpo ang Kia at ang Blackwater sa ganap na alas-3:13 ng hapon ka­su­nod ang banggaan ng Ba­rangay Ginebra at Talk ‘N Text sa alas-5 ng hapon.

Pupuntiryahin ng San Mig Coffee ang kanilang pang-limang Philippine Cup at hangad na madup­li­ka ang rekord na anim ng ma­alamat na Crispa Red­ma­nizers.

“After winning the PBA Grand Slam, we can’t lo­wer our goal,” sabi ni PBA Board representative Re­ne Par­do. “We’re looking for­ward to the Philippine Cup where we gun (cham­pion­ship) No. 5. After that, we’ll chase No. 6 and tie Crispa’s record.”

Natalo ang San Mig Cof­fee sa lahat ng anim nilang tune-up. (RC)