NU Pep Squad matikas pa rin sa UAAP Cheerdance Competition
MANILA, Philippines - Nasulit ang paghihirap ng National University Pep Squad nang kilalanin uli bilang kampeon sa UAAP Cheerdance Competition kahapon sa Smart Araneta Coliseum.
Naperpekto ng NU ang kanilang routine at hindi nakapagtala ng pagkakamali upang makakuha ng nangungunang 677.5 puntos.
Bunga ng panalo, naibulsa ng NU Pep Squad ang premyong P340,000.
Maganda rin ang ipinamalas ng pitong iba pang kalahok ngunit minalas silang may mga nagkamali para mabigo sa laban.
Ang UP Pep Squad ang pumangalawa sa 658 puntos bago sumunod ang UST Salinggawi Dance Troupe sa 625 puntos.
Bago ang kompetisyon, ang UP at UST ay nagbalak na maibulsa ang ikasiyam na kampeonato mula 1994.
Naisantabi ng panalo ang paglapag lang ng NU sa ikatlong puwesto sa Group Stunt Division taglay ang 239.5 puntos.
Ang FEU na tatlong sunod na pumangalawa sa laban ang nagwagi sa 258.5 habang ang UST ang pumangalawa sa 251 puntos.
- Latest
