Sagupaan sa Maynila dinumog ng mga MMA artists

MANILA, Philippines – Dinumog ng mga sports enthusiasts, partikular ang Mixed Martial Arts at Pinoy Kick­boxing sa bansa, ang Sa­gupaan sa Maynila na idi­naos sa Human Energy Gym sa YMCA, Ermita.

Ang Sagupaan  ay inorganisa nina David Layosa at Master Instructor Barry Agpoon at nilahukan ng iba’t-ibang gym instructors sa Metro Manila.

Dumalo sa pagbubukas ng Sagupaan si taek­wondo champion at konse­hal Ali Atienza, habang na­nood naman mula sa si­mula hanggang matapos si konsehal Philip Lacuna.

Ang mga sumabak at nag­wagi sa sagupaan ay si­na Randel Parinas, lady fighter Cahea Castillo, Ge­rald de Jesus, Arjay  Asuncion, Jojie Veloro, Wayne Mag­calas, Johny Blanca, Jo­nar Lagasca, Mark Tura at Alvin Quirona at ang da­­lawang makapigil hini­ngang main event na sina pro­fessional kickboxing at karatedo fighter Junifer Kim­mayong at Charles Ag­poon.

Kapwa umiskor sina Kim­mayong at Agpoon ng Referee-Stopped-Contest (RSC) win matapos nilang pagbagsakin ang kanilang mga nakalaban.

Ayon kay Master Barry at Layosa, ang Sagupaan ay may layuning mapating­kad pa ang  kaalaman at ka­halagaan ng pagiging bi­hasa sa martial arts para mai­pagtanggol ang kapwa at sarili sa oras ng panga­ngailangan laban sa mga ma­sasamang elemento.

Ang Human Energy Gym ay dinarayo ngayon ng maraming estudyente na mahilig sa Muaythai, Kick­boxing,  Boxing, Hand to Hand Combat, Karate­do, Knife Fighting at Body Buil­ding dahil sa malinis na pasilidad, kumpleto ng ka­gamitan, magagaling at di­siplinadong mga instructors.