Gilas Pilipinas sendoff party

MANILA, Philippines - Pinangunahan ni shooting guard Gary David ang kanyang Gilas Pilipinas teammates at coach Chot Reyes sa isang dance session sa sendoff party kamakailan sa Max’s sa Quezon City. Dinaluhan din ng mga opisyales ng wireless leader na Smart Communications, Inc. (Smart) at iba pang Gilas supporters ang event para suportahan ang national team sa kanilang three-month campaign bilang paghahanda sa FIBA World Cup sa Spain. Ibinigay ng Smart, backer ng Gilas program sa ilalim ng Samahang Basketbol ng Pilipinas sapul noong 2008, ang solidong suporta para sa pagpapalakas ng koponan para sa torneo sa Agosto. Kasama rito ang paglahok sa Fiba Asia Cup na kasalukuyang ginaganap sa Wuhan, China at sa “Last Home Stand” exhibition game kontra sa NBA stars sa Smart Araneta Coliseum. Sa Setyembre ay muling itataguyod ng Smart ang Gilas para sa Asian Games sa South Korea.