No. 1 seat puntirya ng Ginebra; San Mig Coffee asam ang 3rd straight

MANILA, Philippines - Kung may bagay mang iniisip ang mga Barangay Gi­nebra, ito ay ang pag-angkin sa No. 1 seat sa quar­terfinal round.

“On Friday against Globalport, pipilitin na namin makuha ‘yan,” sabi ni head coach Ato Agustin sa pag­sa­gupa ng kanyang Gin Kings sa Batang Pier nga­yong alas-5:45 ng hapon sa 2013-2014 PBA Philippine Cup sa Smart Araneta Coliseum.

Ang mga koponang u­upo sa No. 1 at No. 2 spot ang magkakaroon ng ‘twice-to-beat’ advantage kon­tra sa No. 8 at No. 7 teams, ayon sa pagkakasu­nod, sa quarterfinals.

Maglalaban naman sa best-of-three series ang No. 3 laban sa No. 6 at ang No. 4 kontra sa No. 5.

Kung mananaig sa Glo­balport, ito pa lamang ang unang pagkakataon na ma­kakamit ng Ginebra ang No. 1 seat matapos no­ong 2006-2007 PBA Phi­lippine Cup na kanilang pi­nagharian.

Umiskor ang Gin Kings ng isang come-from-behind 90-83 win laban sa Ba­rako Bull Energy noong Ene­ro 12.

Nanggaling naman ang Batang Pier sa 91-88 over­time victory kontra sa Alas­ka Aces noong Enero 13.

Target ng Globalport ang isang quarterfinals spot.

“Laban lang kami, com­pete,” sabi ni rookie mentor Rit­chie Ticzon sa Batang Pier na asam ang kanilang ika­lawang sunod na pa­na­lo.

Tangan ng Ginebra ang 10-2 record kasunod ang Rain or Shine (10-3), Petron Blaze (9-4), Talk ‘N Text (7-5), San Mig Coffee (6-8), Globalport (5-8), Meralco (5-8), Barako Bull (5-8), Alaska (4-9) at Air21 (3-10).

Sa ikalawang laro sa alas-8 ng gabi, magpupu­westuhan naman ang Tro­pang Texters at ang Mixers, na­sa isang three-game win­ning streak ngayon, pa­ra sa No. 2 slot sa quarter­finals.