MANILA, Philippines - Dahil sa pagwawagi sa Philippine qualifying tournament, nagkaroon ng karapatan si Malabon darter Edward Santos na katawanin ang bansa sa Ladbrokes world darts championship ngayong buwan sa London.
Babandera rin para sa bansa sa world soft darts championships sa Disyembre 15 sa Hong Kong sina Lourence Ilagan, Roland Briones at Christian Perez.
Isang sendoff tournament na inorganisa nina Manuel at Cubie Ballesca ang nakatakda sa Disyembre 11 sa Tres Marias Dart Pug sa Malvar, Malate kasama ang kanilang mga kaibigan, club owners at managers.
Sinabi ni tournament director Logie Estacio na magsisimula ang aksyon sa ganap na alas-9:15 ng gabi tampok sina Jojo Claudio ng Toby’s Sports, Steve Dorotheo ng MonsÂter Darts, Andy at Cora Mercado ng Terton Craft, Ernie Carpio ng Baguio darters at Miss Genelyn Guino-o ng TresDahlias.