MANILA, Philippines - Ipapalabas sa Sports 5 ang NCAA women’s volleyball Game of the Week mula bukas.
Ang nangungunang San Beda ay kalaban ang multi-titled San Sebastian sa larong magsisimula sa ganap na alas-12:30 ng hapon.
May 5-0 baraha ang Lady Red Spikers at ito ang kanilang pinakamalakas na panimula sapul nang nagkaroon ng women’s volleyball program noong 2007.
Masusukat ang tikas ng koponan sa Lady Stags na kahit may 3-2 baraha ay hindi paaawat lalo pa’t may pride sila bilang many-time champion ng liga.
Isang women’s match ang ipapalabas sa TV5 sa elimination round habang ang semifinals at ang women’s at men’s Finals ay ipapalabas ng live sa telebisyon.
Sina Ces Molina at Janine Marciano ang manguÂnguna sa San Beda habang ang beterano ng V-League na si Gretchel Soltones ang babandera sa Lady Stags na kasalo ang nagdedepensang kampeon Perpetual Help sa ikalimang puwesto.