Perpetual Help sososyo sa 2nd spot

MANILA, Philippines - Pipilitin ng Perpetual Help na makasosyo sa ika­lawang puwesto sa pag­harap sa Arellano University ngayong alas-4 ng hapon sa second round ng 89th NCAA men’s basketball tour­nament sa The Arena sa San Juan City.

Sa ikalawang laro sa alas-6 ng gabi ay magta­tagpo naman ang Jose Ri­zal University at College of St. Benilde.

Ang Altas ng 73-anyos na si coachAric Del Rosario ang highest scoring team mu­la sa kanilang average na 75.11 points a game sa first round.

Muling aasahan ng Per­petual sina import Nick Omo­rogbe, rookie Juneric Baloria, Harold Arboleda at  Chris Olopre katapat sina Prince Caperal, Jasper Ogo­vida at John Pinto ng Arel­lano.

Nagmula ang Altas sa 90-89 paglusot sa Blazers noong Agosto 26, habang umiskor ang Chiefs ng 67-64 panalo laban sa Heavy Bombers noong Agosto 24.

Muling maglalaro ang Arellano ni mentor Koy Ba­nal nang wala si Fil-Ca­nadian James Forrester, na­patawan ng isang two-game suspension.

Nauna nang tinalo ng Per­petual ang Arellano, 73-66, sa first round noong Hulyo 18.