Djokovic pasok sa Last 16

LONDON--Dumiretso si Novak Djokovic sa Last 16 sa Wimbledon matapos talunin si Frenchman Je­remy Chardy, 6-3 6-2 6-2, sa loob ng 86 minuto.

Ito ang pang pitong pag­kakataon na binigo ni Djokovic si Chardy sa ka­nilang mga paghaharap.

Nakagawa lamang ang 26-anyos na Serbian netter ng tatlong unforced errors para makasama sa fourth round si Andy Murray.

“It was a fantastic match. I felt great from the start until the end,” sabi ng six-times grand slam champion na si Djokovic na lalabanan si 13th-seeded German veteran Tommy Haas sa kanyang susunod na laro.

Sa women’s division, iginupo ni American Se­rena Williams, hangad na maduplika ang 17 grand slam titles ni Roger Federer, ang 42-anyos na si Kimiko Date-Krumm, 6-2, 6-0.

Anim lamang sa top 16 women netters ang umabot sa fourth round.

Pinayukod naman ni British teenager Laura Robson si New Zealander Marina Erakovic, 1-6, 7-5, 6-3, para maging unang British woman na nakapasok sa fourth round matapos ang 15 taon.

Susunod na makaka­laban ng dating junior champion na si Robson si unseeded Estonian Kaia Kanepi.