Laro Ngyaon
(Xavier School, Greenhills)
1:30 p.m. Lourdes-Manda vs Escuela de Sophia
3 p.m. LSGH vs Ateneo
MANILA, Philippines - Nakuha na ng Escuela de Sophia ng Caloocan, Ateneo-A, Lourdes School of Mandaluyong at La Salle-Greenhills ang puwesto sa semifinals sa Seaoil NBTC 12-U National Championship nang nanalo sa kanilang huling laro noong Martes.
Nangibabaw ang Escuela de Sophia sa Xavier-B, 78-53; ang Ateneo-A ay nakalusot sa Ateneo-B, 71-68; nanaig ang Lourdes School sa Chiang Kai Shek, 79-68; at dinurog ng La Salle-Greenhills ang Don Bosco Technical Institute, 84-41.
Dahil sa pangyayari, ang apat na paaralang naÂbanggit ay nakakuha na rin ng puwesto sa National Championship na paglalabanan sa Philsports Arena sa Pasig City mula Mayo 16 hanggang 18.
Ang semis ay gaÂgawin ngayon sa Xavier School sa Greenhills at ang mga magtatagisan ay Lourdes-Manila at Escuela de Sophia sa ala-1:30 ng hapon at LSGH at Ateneo sa alas-3.
Ang mga mananalo ang maglalaban sa championship sa Sabado sa Xavier gym.
Ang iba pang mga koponan na nakatiyak na ng puwesto sa National Finals ay ang Sacred Heart-Ateneo de Cebu, Xavier University-Ateneo de Cagayan at dalawa pang provincial teams.