Ginebra, Petron sa quarters
MANILA, Philippines - Tumipa si import Vernon Macklin ng isang basket sa huling 7.9 segundo para itakas ang Barangay Ginebra kontra sa Meralco, 91-90, papasok sa quarterfinal round ng 2013 PBA Commissioner’s Cup kagabi sa Smart Araneta Coliseum.
Ito ang ikaanim na dikit na arangkada ng Gin Kings kasabay ng pagpigil sa two-game winning run ng Bolts.
Itinaas ng Ginebra ang kanilang karÂtada sa 7-5 katabla ang Petron Blaze sa ilalim ng mga kapwa quarÂterfinalists na Alaska (9-3) at Rain or Shine (8-4) kasunod ang Meralco (6-6), nagdedepensang San Mig Coffee (6-6), Talk ‘N Text (6-6), Air21 (5-7), Barako Bull (4-8) at Globalport (2-10).
Sa unang laro, maski ang paglalaro ni dating Los Angeles Lakers center DJ Mbenga para sa Energy Cola ay hindi nakapigil sa Boosters.
Kumolekta si 6-foot-10 import Henry Sims ng 23 puntos, 13 rebound at 3 shotblocks para igiya ang Petron sa 88-77 paggupo sa Barako Bull.
Winakasan ng Boosters ang kaÂnilang three-game losing slump patungo sa quarterfinals.
“One step at a time lang kami. We just want to get better. But we don’t want to be at a twice-to-beat disadvantage,†wika ni head coach Olsen Racela sa kanyang mga Boosters.
Humakot naman ang 6’10 na si Mbenga ng 14 puntos, 12 rebounds at 2 shotÂblocks para sa kanyang unang laro sa Energy Cola.
- Latest
