Ngayon matatapos ang Semana Santa
mga Katoliko tiyak magsisimba;
Sa harap ng altar ay magkakaisa:
Ang hirap ni Hesus ay nalampasan na!
Si Inay at ako’y naghangad tumulong
pagpasan ni Hesus ng krus na kahoy;
Kasabay ng hangad taimtim na bulong
mahango sa dusa buhay namin noon!
Kasi kami noon ay lubhang hikahos
sa kanin at ulam halos kinakapos;
Wala na si Amang sa ami’y kumukupkop
mga kapatid ko’y may sariling kayod!
Sa tulong ng dasal kung Mahal na Araw
maralitang buhay ay nagbago naman;
Sa asawa’t anak gumanda ang buhay
pero ang malungkot wala na si Inay!