MANILA, Philippines — Balik na sa normal na biyahe ang lahat ng bus na provincial routes sa Parañaque Integrated Terminal Exchange (PITX) nitong Lunes matapos ang pagtama ng bagyong Pepito.
Una nang kinansela ang ilang biyahe ng mga bus sa mga lugar na dinaanan ng Bagyong Pepito at maging ang mga bus na may biyaheng tawid-dagat.
Sinabi ni PITX Corporate Affairs Officer Kolyn Calbasa, Lunes ay balik na sa normal ang lahat ng biyahe.
Kasama na rito ang biyahe patungo sa Northern Luzon, Calabarzon, Mindoro, Bicol Region, at maging sa Visayas at Mindanao Region.