3 kelot arestado sa baril, droga sa Pasay at Taguig
MANILA, Philippines — Tatlong lalaki ang inaresto matapos na mahulihan ng baril at iligal na droga sa magkahiwalay na lugar sa Pasay at Taguig.
Ayon sa Station Intelligence Section (SIS) ng Pasay City Police Station, si alyas Kalbo, 25, ay naaresto bandang alas 9 ng gabi ng Nobyembre 1, sa loob mismo ng Pasay City Public Cemetery.
Nasamsam sa suspek ang isang kalibre .45 Colt pistol na may serial number 798817 at magazine na may 3 bala.
Nangtangka pang tumakas ang suspek subalit agad ding nadakma ng mga pulis,
Sabado naman ng hapon nang makuhanan ng kalibre .40 pistola na markado ng PT 24/7 Forjas Taurus S.A. na may isang bala ang mga suspek na sina alyas Sonny Boy, 28 at alyas Boy, 43.
Nakumpiska rin ang nasa 45 gramo ng shabu na may street value na P306,000.00 .
Nabatid na nagpapatrulya ang mga tauhan ng Sub Station 4 ng Taguig City Police Station bandang alas-4:40 ng madaling araw nang matsambahan ang mga suspek na pinaniniwalaang nagbebenta ng iligal na droga.
Ang tatlo ay nahaharap sa reklamong paglabag sa Republic Act RA 10591 (Comprehensive Law on Firearms and Ammunition) at karagdagang reklamong paglabag sa RA 9165 (Comprehensive Dangerous Drugs Act of 2002) kina alayas Sonny Boy at alyas Boy.
- Latest
