7 Vietnamese nasagip sa prostitution den, Chinese arestado
MANILA, Philippines — Pitong babaeng Vietnamese national ang nasagip sa hinihinalang human trafficking operation habang isang Chinese national na sangkot sa human trafficking operation ang naaresto, sa Pasay City, kamakalawa ng gabi.
Sa isang coordinated operation na pinangunahan ng National Capital Region Police Office-Regional Special Operations Group (RSOG), sinalakay ang isang umano’y prostitution den na ang mga kliyente ay pawang POGO operators, alas-8:00 ng gabi ng Oktubre 22, 2024 sa Barangay 86, Pasay.
Pinagsanib na mga operatiba ng RSOG, Regional Intelligence Division, Regional Mobile Force Battalion ng NCRPO, kasama ang Pasay City Social Welfare and Development Department, Inter-Agency Council Against Trafficking – Department of Justice (IACAT-DOJ), Women and Children Protection Center (WCPC), at Pasay City Police Station ang nagsagawa ng rescue operation kasunod ng ulat mula sa isang concerned citizen na nagsiwalat na ilang Vietnamese na kababaihan ang nabibiktima ng sex exploitation sa online at face-to-face ng suspek na kinilalang si Zhao Xing.
Sasampahan ng reklamong Republic Act 10364 (Expanded Anti-Trafficking in Persons Act of 2012).
Pinuri ni NCRPO Chief, P/Major General Sidney Hernia ang matagumpay na pagtutulungan ng NCRPO at partner agencies sa pagliligtas sa mga biktima at pagdakip sa suspek.
- Latest
