Maynila, tinanghal na ‘2nd overall most competitive highly-urbanized city’
MANILA, Philippines — Wagi ang lungsod ng Maynila bilang 2nd overall most competitive highly-urbanized city sa idinaos na 2024 Cities and Municipalities Competitiveness Index awards sa Manila Hotel, sa Intramuros, Manila nitong Agosto 23, 2024.
Nabatid na muling pinatunayan ng lungsod ng Maynila, ang excellence nito, nasa ilalim ng pamumuno ni Mayor Honey Lacuna, nang maiuwi ang 2nd overall na pwesto sa naturang parangal, mula sa 33 highly-urbanized cities na nagtagisan sa naturang DTI-sponsored awards.
Si Manila Vice Mayor Yul Servo naman ang kumatawan kay Lacuna, at siyang tumanggap ng karangalan para sa lungsod.
Ayon kay Servo, na sinamahan ni Project Development Officer IV Aimee Sarmiento sa pagtanggap sa naturang karangalan para sa Maynila, ang mga pagkilalang iginawad sa lungsod ay patunay lamang ng mga magagandang bagay na nagaganap sa kabisera ng bansa sa ilalim ng kanilang administration.
Bukod sa naturang parangal, tumanggap ang Lungsod ng Maynila, ng pagkilala bilang “second most competitive in government efficiency”, “third most competitive in economic dynamism”, fourth in “innovation’ and ‘infrastructure”; 6th in “resiliency’ at “seventh most improved” all in the highly urbanized cities” category.
Pumangalawa rin ang Maynila, pagdating sa ranking bilang “most intellectual property” sa ilalim ng parehong kategorya, matapos na makapagsumite ng mahigit na 4,700 intellectual properties.
- Latest
