Dalaga tinarakan sa ulo ng selosong nobyo

MANILA, Philippines – Kritikal ngayon ang isang 21-anyos na dalaga maka-raang pagsasaksakin sa ulo ng kaniyang kasintahan dahil sa matinding selos, Martes ng hapon sa Navotas.

Nakaratay ngayon sa Na­votas City Hospital ang biktimang si Maricar Abellera, residente ng P. Gabriel Street, Brgy. Sipac-Almazen, ng n­a­turang lungsod. Nakatakas naman ang nobyo nitong suspek na si Bryan Manuel.

Sa ulat, dakong alas-12:30 ng hapon nang magtungo si Manuel sa bahay ng nobya at kinompronta ito ukol sa nababalitang lalaki na laging kasama ng babae.

Humantong ang diskusyon sa mainitang pagtatalo hanggang sa magbunot ng patalim ang lalaki at tarakan ang kasintahan sa ulo saka mabilis na tumakas.