Chinese national, patay sa ambush
MANILA, Philippines - Dead on the spot ang isang Chinese national nang tambangan ng mga lalaking sakay ng isang itim na SUV habang ang biktima ay sakay sa isang taxi, kahapon ng madaling-araw sa Malate, Maynila.
Sa ulat ni SPO3 Milbert Ba-linggan ng Manila Police District-Homicide Section, inaalam pa nila sa Chinese Embassy ang tunay na pangalan ng nasawing biktima na kinilala lamang sa alyas na “Awei”, nasa 25-30 ang edad, na nagtamo ng maraming tama ng bala sa ulo at katawan.
Nadamay na tinamaan din ng bala sa kanang bahagi ng katawan ang taxi driver na si Edgardo Atacador, 55, ng Arjapa taxi na ginagamot sa Phi-lippine General Hospital (PGH)
Nabatid na naganap ang insidente dakong ala- 1:30 ng madaling araw habang ang biktima ay nakasakay sa front passenger seat ng taxi nang dikitan ng sasakyan ng mga suspect. Mula doon dumikit sa taxi ang sasakyan ng mga suspect at pinagbabaril ang lugar ng biktima sa may tapat ng Dela Salle University sa Taft Avenue, panulukan ng Estrada St., Malate.
Ayon kay Dong Ming Zhang, 30, kasama ng biktima na masuwerteng hindi nasugatan sa pangyayari na bago ang insidente nagkita-kita umano si Awei at iba pang Chinese national sa Resorts World at nagpasiyang magtungo sa Royal KTV sa Malate kung saan nag-inuman
Nang magpasiyang umuwi ang iba ay sumakay naman ng taxi sina Awei at Dong Ming na magpapahatid sana sa Makati Avenue, subalit habang nasa southbound lane ng Taft Avenue ay tinambangan na ito. Tumakas ang mga suspek sa direksiyon ng Vito Cruz, Malate.
- Latest
