Roxas emosyunal sa NCRPO anniversary

MANILA, Philippines - Naging emosyunal si Department of In­terior Local Government (DILG) Secretary Mar Roxas nang dumalo ito sa 24th founding anniversary ng National Capital Regional Police Office (NCRPO) na ginanap kahapon sa Camp Bagong Diwa, Bicutan, Taguig City.

Napaiyak si Roxas habang ito ay nagsa­salita bilang panauhing pandangal sa  naturang pagdiriwang hinggil sa brutal na pagkamatay  ng 44 miyembo ng Philippine National Police, Special Action Force (SAF) commandos.

Ang headquarters ng PNP-SAF ay mata­tagpuan sa loob ng Camp Bagong Diwa. Sinabi nito na mas ligtas aniya ngayon sa NCR dahil sa pinaigting na anti-criminality campaign, ‘Oplan Lambat Sibat’, dahilan upang  bumaba ang bilang ng krimen nitong nakaraang anim na buwan.

Sa ika-24th taong foundation ng NCRPO, pinarangalan ang ilang natatanging mga opisyal  at ginawaran ang mga  ito ng “Medalya ng Paglilingkod Laban sa Kriminalidad sa NCR”. Pinarangalan ng  NCR Anti-Criminality Campaign Ribbon sina  NCRPO Director Carmelo E. Valmoria; Police Chief Supt.  Diosdado T. Valeroso, DRDA; PCSUPT Allen B. Bantolo, DRDO; PCSUPT Ramon C. Apolinario, RCDS; PCSUPT Jonathan Ferdinand G. Miano, DD, NPP; PCSUPT Abelardo P. Villacorta, DD, EPD; PSSUPT Rolando Z. Nana, DD,MPD; PCSUPT Henry S. Rañola Jr.,  DD, SPD; PCSUPT Joel D. Pagdilao; PSSUPT Elmer C.  Cabreros, Chief, Regional Intelligence Division; PSUPT Nicanor S. Salvador, OIC, Regional Operations Division; PSSUPT Manuel M. Lukban Jr., Chief, Regional Investigation and Detection Management Division; PSSUPT Lawrence B. Coop, Battalion Commander, RPSB; at  PSSUPT Ernesto V. Tendero Jr., Chief, Regional Police Community Relations Division.

Nabatid na ang best police district award  ay iginawad sa Southern Police District (SPD), best police station at best in crime reduction ay iginawad sa Pasay City Police Station, best numbered station ay iginawad sa La Loma Police Station (PS1-QCPD), ang best crime reduction ay iginawad sa   Meisic Police Station (PS11-MPD), ang Muntinlupa City Police at Malate Police Station (PS9-MPD) naman ang best in crime solution efficiency, ang best arrest of most wanted person ay iginawad naman sa Las Piñas City Police at Novaliches Police Station (PS4-QCPD), iginawad naman sa Valenzuela City Police Station at Batasan Hills Police Station Police (PS6-QCPD) ang best in police intervention, ang best in confiscation of fire arms ay iginawad naman sa Caloocan  City Police Station at Raxa Bago Police Station (PS1-MPD),  ang special awards in campaign against illegal drugs ay iginawad sa Taguig City Police Station at QCPD at ang special awards for the solution of sensational case at iginawad  naman sa QCPD at Eastern Police District (EPD).