utos ng LTFRB sa operators pangalan ng mga taxi driver, isumite

MANILA, Philippines - Inatasan ng Land Transportation Franchising and Regulatory Board (LTFRB) ang mga operators ng taxi na isumite sa kanila ang listahan ng kanilang mga dri­ver kaugnay sa serye  ng krimen na nagaganap sa mga pampasaherong sasakyan tulad ng taxi sa kasalukuyan.

Ang bagay na ito ay iginiit ni LTFRB Chairman Wins­ton Gines sa ginanap na meeting­ kahapon ng umaga sa pagitan  ng mga opisyal ng naturang ahensiya, mga taxi operators at mga opis­yal ng Taxi Operators Association.

Ang kautusan ay naka­saad naman sa ipinalabas na direktiba ng LTFRB na nagsasabi ng ganito, “Ope­rators will be mandated by the agency to provide a list of their drivers, including their full names, personal information, employment history and accident record. It will then be fed into the LTFRB database for a background check on each of the drivers”.

Ang isang driver ng taxi ay kailangang magsabit ng ID nito na may sukat na 8.5-inch by 5.5-inch na nakalagay sa rear view mirror ng sasakyan sa lahat ng duty nito upang mabigyang impormasyon ang mga pasahero sa kanilang pagkaka­kilanlan.

Nakasaad din na ang ba­wat taxi operators ay kaila­ngan munang kumuha ng clearance mula sa LTFRB  bago mag-hire ng bagong driver upang maimpormahan ang naturang ahensiya at para makapagsagawa ng background check sa mga ito.