MANILA, Philippines - Inutas ng mga hindi pa nakikilalang salarin ang isang lalaki makaraang pagbabarilin ito habang naglalakad kaÂsama ang live-in partner, kamakalawa ng gabi sa Navotas City.
Hindi na umabot nang buhay sa Tondo Medical Center dahil sa tama ng bala sa mukha at katawan ang biktimang si Christopher Ocampo, 40, ng Capricorn St., Brgy. San Roque, ng naturang lungsod.
Sa ulat ng pulisya, naglalakad ang biktima kasama ang live-in partner na si Carla Manalaysay, 34, sa may Cabrera St. dakong alas-10:15 ng gabi nang harangin ng nag-iisang salarin na nakasuot ng jacket at helmet.
Walang salitang pinutukan ng baril sa mukha ang biktima at nang bumagsak ay sinundan pa ito ng dalawang putok ng baril sa katawan para matiyak na patay na ito. Hindi naman ginalaw ng salarin si Manalaysay bago ito tumakas.
Hinihinala naman na may kasama ang gunman at gumamit ng motorsiklo sa pagÂtakas.
Patuloy namang inaÂalam ng pulisya ang posibleng motibo sa naturang krimen.