Obrero patay dahil sa sugal
MANILA, Philippines - Patay ang isang construction worker makaraang pagsasaksakin ng kalaro nito sa sugal sa kara y cruz nang magkaturuan ng pandaraya, kamakalawa ng hapon sa Caloocan City.
Nakilala ang nasawi na si Lindon Asio, ng 2nd Street, 3rd Avenue, Brgy. 118 ng naturang lungsod. Pinaghahanap naman ang nakatakas na suspek na si Sonny Sapinoso, residente ng BMBA Compound, Brgy. 120, ng naturang lungsod.
Sa ulat ng Caloocan Police, dakong alas-2:20 kamaÂkalawa ng hapon, nagka-kara y cruz sina Asio at Sapinoso sa may BMBA Compound sa 3rd Avenue nang magkainitan nang kapwa mag-akusa ng pandaraya.
Dito naglabas ng patalim ang suspek na si Sapinoso at ilang beses na tinarakan ang biktima sa iba’t ibang bahagi ng katawan saka mabilis na tumakas.
Nagawa pang maisugod ng kinakasama at ng mga nakasaksing tambay si Asio sa Caloocan City Medical Center ngunit hindi na ito umabot ng buhay.
- Latest
