Nagtalo sa naluluging negosyo misis inutas ni mister

MANILA, Philippines - Patay ang isang 39-anyos na negosyante nang saksakin ng ilang ulit ng kaniyang mister sa gitna ng kanilang kompron­tasyon kaugnay sa pagkalugi umano ng negosyo sa Tondo­, Maynila, kama­kalawa ng hapon.

Gabi na nang bawian ng buhay habang nilalapatan ng lunas sa Gat. Andres Bonifacio Memorial Medical Center (GABMMC) ang biktimang si Rosemarie Balila, residente  ng Bldg. 27, Unit 207, Temporary Housing, Road 10, Tondo.

Tinutugis naman ang mister nitong si Dante Ba­lila, na tumakas matapos ang insidente.

Sa ulat ni SPO1 Jo­nathan Moreno ng MPD-Homicide Section, dakong alas-5:00 ng hapon, nang maganap ang nasabing insidente sa loob ng bahay ng mag-asawa.

Nagtatalo umano ang mag-asawa hinggil sa pagkalugi ng junk shop na pag-aari ng biktima. Sinisi umano ng biktima ang suspect dahil sa walang patumanggang paggasta, batay sa imbestigasyon.

Posibleng nagdilim umano ang paningin ng suspect kaya nito pinagsasaksak ang misis saka mabilis na tumakas.